១. អ្វីទៅជាប្រព័ន្ធព័តមាន?
ប្រព័ន្ធព័តមានអាចត្រូវបានគេកំណត់និយមន័យតាមបែបបច្ចេកទេសថាជាសំណុំនៃធាតុផ្សំដែលជាប់ទាក់ទងគ្នាក្នុងការប្រមូលនិងទទូលមកវិញនូវដំណើរការ រក្សាទុកហើយនិងចែកចាយព័តមាន
ដើម្បីគាំទ្រការធ្វើសេចក្តីសម្រេចចិត្ត ការសហប្រតិបត្តិការ និង ការត្រួតពិនិត្យនៅក្នុងអង្គភាព។បន្ថែមលើគុណសម្បត្តិខាងលើវាក៏អាចជួយអ្នកគ្រប់គ្រង ក៏ដូចជាបុគ្គលិកឲ្យគិតវិភាគបញ្ហា លាតត្រដាងនូវបញ្ហាស្មុគស្មាញនិងបង្កើតនូវផលិតផលថ្មី។
២. បរិយាកាសការប្រកួតប្រជែងពាណិជ្ជកម្ម និង ការលេចឡើងនូវក្រុមហ៊ុនទំនើប
មានអនុភាពខ្លាំងក្លា ៤ យ៉ាងដែលធ្វើឲ្យមានបម្រែបម្រួលទូទាំងពិភពលោកក្នុងការផ្លាស់ប្តូរបរិយា កាសវិស័យពាណិជ្ជកម្ម ដែលបម្រែបម្រួលទី១ គឺការលេចឡើង និង ការពង្រីកនៃសេដ្ឋកិច្ចសកល។បម្រែបម្រួលទី២ គឺការផ្លាស់ប្តូរនៃសង្គម និង សេដ្ឋកិច្ចបែបឧស្សាហកម្ម ឲ្យចូលទៅក្នុងសេដ្ឋកិច្ចសេវាកម្មផ្អែកលើព័តមាន និង ចំណេះដឹង។ បម្រែបម្រួលទី៣ គឺការផ្លាស់ប្តូរនូវសហគ្រាស ពាណិជ្ជកម្ម ចំណែកបម្រែបម្រួលទី៤ គឺការលេចឡើងនូវក្រុមហ៊ុនទំនើប។ ការផ្លាស់ប្តូរនៅក្នុងបរិយាកាសទាំងនេះរួមមានដូចខាងក្រោម ៖
- សកលភាវូបនីយកម្ម
- ការផ្លាស់ប្តូរសេដ្ឋកិច្ចបែបឧស្សាហកម្ម
- ការផ្លាស់ប្តូរសហគ្រាសពាណិជ្ជកម្ម
- ការលេចឡើងនូវក្រុមហ៊ុនទំនើប
0 comments :
Post a Comment