Nokia និង Microsoft ទាំង​ពីរ​​ក្រុមហ៊ុន​នេះ​បាន​ចាប់​ដៃ​សហការ​គ្នា​ ដោយ​​ម្ខាង​មាន​ smart device និង​ម្ខាង​ទៀត​ផ្គត់ផ្គង់​​ OS សម្រាប់​ដំណើរ​ការ​ណ៍។ ក្រុមហ៊ុន​ទាំង​ពីរ​នេះ​​មាន​​គូបដិបក្ខរៀងៗ​​ខ្លួន​នោះ​គឺ Apple និង Samsung ដែល​សុទ្ធ​សឹង​ជា​ដៃ​គូ​ប្រកួតប្រជែង​ដ៏​ខ្លាំង​ក្លាទាំង​លើ device និង OS (iOS, Android)។
ដោយ​ឡែក​ ថ្មីៗ​នេះ​ Nokia បាន​​បញ្ចេញ​ឈុត​វីដេអូ​ពាណិជ្ជកម្មខ្លី​​មួយ​ដើម្បី​លើក​​ស្ទួយ smartphone កំពូល​របស់​ខ្លួន Lumia 920 ដោយ​ដាស់​តឿន​ឱ្យ​អ្នក​ប្រើ​រួសរាន់ឆាប់​ប្ដូរ​មក​ប្រើ​ម៉ូដែល​នេះ​វិញ។
ការ​ប្រកួតប្រជែង​ផ្ដោត​សំខាន់​ទៅ​លើ​ការ​បំពាក់​ប្រព័ន្ធ​ប្រតិបត្តិការ​នៅ​លើ smart device ថា​តើ OS របស់​ក្រុមហ៊ុន​ណា​មួយ​ដែល​ខ្លាំង​ទទួល​បាន​ប្រជាប្រិយភាព​ខ្ពស់​ជាង​មួយ​ណា។ ជា​មួយ​ទូរសព្ទ​លំដាប់​កំពូល​របស់ Nokia Lumia 920 ថ្មីៗ​នេះ​ ក្រុមហ៊ុន​បាន​បញ្ចេញ​វីដេអូ​ផ្សាយ​ពាណិជ្ជកម្ម​លើក​ស្ទួយ​ម៉ូដែល​មួយ​នេះ​យ៉ាង​ខ្លាំង ដោយ​បាន​លើក​យក iPhone 5S និង Galaxy S IV ចូល​រួម​ក្នុង​ពាណិជ្ជកម្ម​ឈុត​ខ្លី​ដែល​មាន​រយៈពេល ១នាទី​នេះ​ផង​ដែរ។
នៅ​វិនាទី​ ៥៤ ជិត​ចប់ពាណិជ្ជកម្ម​ មាន​បង្ហាញ​ឃ្លា​មួយ​ឡើង​មក ដាក់​ថា “Don’t fight. Switch.” ដែល​មាន​ន័យ​ថា​​បញ្ឈប់​ជម្លោះរវាង​ ម្ចាស់ iPhone 5 និង Galaxy S IV រួច​ប្ដូរមក​ប្រើ Lumia 920 វិញ​ទៅ​ទើប​ជាជម្រើស​ដ៏​ល្អ​ប្រសើរ។ ចង់​ដឹង​ពាណិជ្ជកម្ម​ជក់​ចិត្ត​យ៉ាង​ណា​សូម​ទស្សនា​វីដេអូ​ឃ្លិប​ខាង​ក្រោម៖ Click here to see video